Isa 63 | Ndebele | STEP | Ngubani lo ovela eEdoma, olezembatho ezibomvu evela eBhozira ? Lo odumisekileyo ngezembatho zakhe, ehamba ngobukhulu bamandla akhe ? Yimi engikhuluma ngokulunga, engilamandla okusindisa.

Isaiah 63

Usuku lwempindiselo yeNkosi

1 Ngubani lo ovela eEdoma, olezembatho ezibomvu ^a evela eBhozira ^b? Lo odumisekileyo ngezembatho zakhe, ehamba ngobukhulu bamandla akhe ^c? Yimi engikhuluma ngokulunga, engilamandla okusindisa. 2 Kungani izigqoko zakho zibomvu ^d, lezembatho zakho zinjengezonyathela esikhamelweni sewayini ^e? 3 Ngisinyathele ngedwa isikhamelo sewayini ^f, lebantwini kwakungekho loyedwa lami; ngoba ngizabanyathela ekuthukutheleni kwami ^g, ngibahlifize elakeni lwami ^h; legazi labo ^{i
,} ^j lizafafazwa ezembathweni zami, ngingcolise izigqoko zami zonke. 4 Ngoba usuku lwempindiselo ^k lusenhliziyweni yami, lomnyaka wabahlengwa bami usufikile ^l. 5 Njalo ngakhangela ^m, kodwa kwakungekho osizayo ⁿ, ngamangala kakhulu ukuthi kwakungekho osekelayo; ngakho ingalo yami yaletha usindiso kimi ^o, lolaka lwami ^{p
,} ^q lona lwangisekela. 6 Besenginyathela abantu ekuthukutheleni kwami, ngibadakise ^r olakeni lwami ^s, ngehlisele emhlabathini amandla abo ^t.

Ukulunga kweNkosi kuIsrayeli

7 Ngizakhumbuza ngothandolomusa ^u omkhulu weNkosi, izindumiso zeNkosi, njengakho konke iNkosi esinike khona ^v, lobuhle obukhulu ^w ngasendlini kaIsrayeli, ebanike bona ngokwezisa zayo, lanjengobunengi bothandolomusa wayo omkhulu ^x. 8 Ngoba yathi: Isibili bangabantu bami, abantwana abangayikukhuluma amanga; ngakho yaba nguMsindisi wabo. 9 Enhluphekweni yabo yonke yahlupheka ^y, lengilosi yobukhona bayo yabasindisa ^z; ngothando lwayo langesihawu sayo ^aa yona yabahlenga ^ab, yabaphakamisa, yabathwala zonke izinsuku zendulo ^ac.

10 Kodwa bona baba lenkani ^ad, badabukisa uMoya wayo oNgcwele ^ae; ngakho yaphenduka yaba yisitha sabo ^af, yona yalwa imelene labo. 11 Yasikhumbula insuku zendulo ^ag, uMozisi, labantu bakhe, isithi: Ungaphi lowo owabakhuphula olwandle ^ah labelusi bomhlambi wakhe ^ai? Ungaphi lowo owafaka uMoya wakhe oyiNgcwele phakathi kwakhe ^aj? 12 Owakhokhela ingalo yakhe elodumo ^ak esandleni sokunene sikaMozisi, esehlukanisa amanzi ^al phambi kwabo, ukuzenzela ibizo eliphakade ^am? 13 Owabakhokhela ezinzikini ^an, njengebhiza ^ao enkangala ^ap kabakhubekanga? 14 Njengenkomo isehlela esigodini, uMoya weNkosi wabaphumuza. Ngokunjalo wabakhokhela abantu bakho, ukuze uzenzele ibizo elilodumo ^aq.

Umkhuleko wokucela isihawu losizo

15 Khangela phansi usemazulwini ^ar, ubone usendaweni yakho yokuhlala yobungcwele bakho leyodumo lwakho ^as. Kungaphi ukutshiseka kwakho lamandla akho? Ubunengi bemibilini yakho ^at, lezihawu zakho kimi ^au, kuyazibamba yini ^av? 16 Isibili wena ungubaba ^aw; lanxa uAbrahama ^ax engasazi, loIsrayeli engasivumi; wena Nkosi ungubaba wethu, umhlengi wethu ^ay; ibizo lakho lisukela ephakadeni.

17 Nkosi, kungani usenza siduhe ezindleleni zakho ^az, usenza inhliziyo yethu ibe lukhuni ^ba sisuka ekukwesabeni? Phenduka ngenxa yenceku zakho ^bb, izizwe zelifa lakho ^bc. 18 Abantu bobungcwele bakho ^bd babe lakho okwesikhatshana; izitha zethu ^be zinyathelele phansi ^bf indlu yakho engcwele. 19 Singabakho; kawuzange ubuse phezu kwabo; kababizwanga ^{▼▼ kababizwanga: Heb ibizo lakho kalibizwanga phezu kwabo.} ngebizo lakho.